top of page
  • Instagram
  • YouTube
  • Facebook

AB-GENTUR VUNNU GULL Á VILDBJERG CUP

  • Writer: Argja Bóltfelag
    Argja Bóltfelag
  • Aug 8, 2023
  • 1 min read

Beint eftir ólavsøku fór eitt stórt AB-ferðalag niður til Danmarkar til árligu summarkappingina, Vildbjerg Cup, ið er ein stór fótbóltskapping fyri ungdómslið úr øllum Evropa. Síðstu árini hevur AB luttikið við sínum U13-liði, men í dag var tað sjáldsama og gleðiliga, at felagið luttók við heili trimum liðum – einum gentuliði og tveimum dreingjaliðum, øll úr U13-aldursbólkinum. Ungu leikararnir vóru tilsamans 33 í tali.


Børnini hava stuttleikað sær og víst seg frá sínari bestu síðu. Og serliga vóru tað U13-gentur hjá AB, sum gjørdu ein vørr, tá tær vunnu Normatic Cup, ið svarar til B-bólkin í aldursbólkinum. Eitt bragd, sum boðar frá góðum fyri framtíðar kvinnufótbóltin í felagnum. Vit ynskja U13-gentunum hjartaliga til lukku við flotta sigrinum!


(U13-gentur hjá AB, sum vunnu Nomatic Cup🏆 Tær eita Anna, Anna Sofía, Arina, Barbara, Eir, Marjun, Maud, Noomi, Petsy, Poula, Sanna og Tóra)


Venjararnir hjá liðunum eru samdir um, at hetta hevur verið ein væl skipað, góð og spennandi kapping, har ungu AB’ararnir hava fingið nógvar góðar upplivingar.


Nú gleða vit okkum at fáa ungdómsvirksemið inni í Vika í gongd aftur, nú summarsteðgurin er farin at halla. Summi av ungdómsliðunum eru longu byrjað, men allir aldursbólkar byrja aftur samstundis sum, at børnini aftur fara í skúla. Øll børn eru hjartaliga vælkomin at koma upp í part, møta til okkara venjingar og verða ein partur av felagsskapinum.


Comments


bottom of page