TVEIR AB’ARAR Á U17-LANDSLIÐNUM

Annar av okkara U17-landsliðsleikarum, Sjúrður Henriksen (mynd), skoraði eitt mál ímóti Moldova í menningarkapping fyrr í ár

Tveir av okkara ungu leikarum hava fingið landsliðsboð frá Fróða Benjaminsen, landsliðsvenjara, tá ið U17-landsliðið hjá dreingjum skal til NM-kapping fyrst í komandi mánaði. Leikararnir báðir eru verjuleikarin, Rói Høgnason Wang, og miðvallarin, Sjúrður Henriksen. Báðir AB'ararnir vóru eisini við til UEFA-menningarkapping í Albania í mai og hava nú fingið afturval.

Føroyska U17-landsliðið skal spæla tríggjar dystir í hesari NM-kappingini, ið verður spæld í Finnlandi. Ferðalagið fer av landinum týsdagin 1. august og spælir síðani fyrsta dyst ímóti Danmark fríggjadagin 4. august. Næsti dysturin verður ímóti Norra sunnudagin 6. august. Síðsti dystur verður ein plaseringsdystur, ið verður spældur týsdagin 8. august.

Vit ynskja Róa og Sjúrði hjartaliga til lukku við úttøkuni! 🇫🇴