Argja Bóltfelag og Havnar Bóltfelag eru komin ásamt um eina avtalu, ið ger, at Matthias Præst Nielsen framyvir fer at umboða HB. Danski miðvallarin hevði annars sáttmála við AB fyri 2023, men HB hevur keypt Matthias Præst Nielsen leysan úr hesum sáttmálanum fyri eina óupplýsta keypsupphædd.
Matthias Præst Nielsen kom til AB í summar frá danska Middelfart. Tann 22 ára gamli miðvallarin náddi at spæla 15 dystir fyri AB.
AB ynskir Matthias Præst Nielsen blíðan byr og takkar honum fyri tíðina á Argjum.